ពិសិដ្ឋ · ព័ត៌មាន · អន្តរបណ្ដាញ

គំរោងបកប្រែ Hi5 ជាខេមរភាសា

ខ្ញុំឃើញ វែបសាយ ធំៗ មួយ​ចំនួន មាន​ជំរើស​ភាសា​ជាច្រើន ហើយ​ឃើញ​ថា ភាសា​ខ្មែរ​យើង​នៅ​ពុំ​ទាន់​មាន​នៅ​ឡើយ។ ដូច្នេះខ្ញុំ​ក៏​សំរេច​ចិត្ត​ចូល​រួម​អភិវឌ្ឍ​ភាសាខ្មែរ ដោយ​បាន​ផ្ញើជាសំណើ​មួយ​ដល់​អ្នក​បង្កើត​វែបសាយ​ហាយ​ហ្វាយ (Hi5) ដើម្បីសុំសិទ្ធបកប្រែជាភាសាខ្មែរ។ គេ​ក៏​បាន​យល់​ព្រម​នឹង​សំណើ​នេះ។ ប៉ុន្តែ​ក្នុង​ការ​បកប្រែ​នេះ ខ្ញុំ​មាន​នៅ​មាន​ការ​លំបាក​ច្រើន ដោយសារ​ពាក្យ​បច្ចេកទេស​នៅក្នុងវែបសាយ​នោះ ពុំ​ដឹង​ថា​ត្រូវ​បក​ជាភាសា​ខ្មែរ​ថាដូចម្ដេច ដើម្បីឲ្យសម ហើយ​មានន៏យគ្រប់គ្រាន់​។ ពាក្យទាំងនោះរួមមាន៖ Profile; Body; Header; Fives; Tweak; Scroll; Navigation; Configurations; Scrapbook; Application; Button; Skin; Online; Border; Mouse over effect; Field … ហើយនឹងពាក្យជាច្រើនទៀត ដែល​ខ្ញុំ​បកប្រែរួចហើយ តែគិត​ថា ពុំទាន់​សមនៅឡើយ​។ ដោយសារ​តែ​ខ្ញុំ​ពុំ​ទាន់​មាន​បទពិសោធ​ខាង​បកប្រែ​វែបសាយ ដូច​នេះ​សូម​អ្នក​ទាំង​អស់​គ្នា​ជួយ​ផ្ដល់​ជា​មតិយោបល់​ដល់​ខ្ញុំ​ផង​។

ពិសិដ្ឋ

ទូរស័ព្ទដែលខ្ញុំប្រុងនឹងទិញ

រាល់​ថ្ងៃ​ឃើញ​មិត្ត​ភក្តិ​កាន់​ទូរស័ព្ទ​គ្រប់​គ្នា ដូច​ជា​ចង់​កាន់​មួយ​ហ្នឹង​គេ​ដែរ​។ សន្សំ​លុយ​បាន​បន្តិច​បន្តួច​ មិន​ហ៊ាន​ទិញ​អាទំនើប​ពេក​ទេ​។ រើស​ទៅ​ រើស​មក ដូច​ជា​ចង់​ទិញ​ទូរស័ព្ទ​ភាសា​ខ្មែរ​។ បន្ទាប់​ពី​ចូល​វែបសាយ ខេធីអេក ឃើញ​ម៉ូដ​ទូរ​ស័ព្ទ​ភាសាខ្មែរ​មួយ​ឡូយ​គ្រាន់​បើ ទើប​នឹង​ចេញ​ប្រហែល​មួយ​ឆ្នាំ​។ ទូរស័ព្ទ​នោះគឺ Nokia 5000 យក​ឈ្មោះ​ឲ្យ​ឡូយ​តែ​ម្ដង​។ ពេល​សន្សំ​លុយគ្រប់ហើយ ទិញ​មួយ​ឲ្យ​ខ្មាស​គេ​តែ​ម្ដង​ 😆 😆 ។

ព័ត៌មាន

សិស្សពូកែទាំង១៥នាក់ ប្រចាំ រាជធានីភ្នំពេញ ត្រូវ​បាន​ជ្រើសរើស​រួច​ហើយ​

ក្រោយ​ពីការ​ប្រឡង​នៅ​ថ្ងៃទី ១៣ និង ១៤ ខែ កុម្ភៈ​នេះរួច​មក សិស្ស​ពូកែ​ទាំង​១៥នាក់ ប្រចាំ​រាជធានីភ្នំពេញ ដែល​មាន​ រូបវិទ្យា ៥នាក់ ភាសាខ្មែរ ៥នាក់ និងគណិតវិទ្យា ៥នាក់​ ត្រូវ​បាន​ជ្រើស​រើស​រួច​ជា​ស្រេច​។ តាម​ព័ត៌មាន​ដែល​ខ្ញុំ​លឺល្ហៀងៗ ដូច​ជា​លឺថា សិស្ស​វិទ្យាល័យឫស្សីកែវ ដូច​ជា ជាប់ មួយ រឺ ពីរ​នាក់​ដែរ​។ ចាំ​មើល​ខ្ញុំ​នឹង​សាក​សួរ​តទៅ​ទៀត​។

គណិតវិទ្យា

លំហាត់​ប្រឡង​ឆមាស

ហេហេហេហេហ!!!!!!!!!!! អូយ! ប្រឡង​ឆមាស​ពេញ​មួយ​អាទិត្យ​ ហត់​ណាស់​។ នៅ​សល់​តែ​មួយ​ថ្ងៃទៀត​ទេ គឺ​ថ្ងៃ​សៅរ៍​ស្អែក​នេះ ត្រូវ​ប្រឡង​គណិតវិទ្យា​ទៀត​។ ថ្ងៃនេះ ​ក៏​ឆ្លៀត​មក​លេង​អ្នក​ទាំង​អស់​គ្នា។ ឆ្លង​កាត់​ការ​ប្រឡង​ប្រាំមួយ​ថ្ងៃ​នេះ ខ្ញុំ​បាន​ជួប​លំហាត់រូបវិទ្យា ​គិត​ថា​ជា​លំហាត់​ល្អ​ដែរ​ ចង់​ឲ្យ​អ្នក​ទាំង​អស់​គ្នា​សាក​ល្បង​ដោះ​ស្រាយ​លមើល៖ កាណូត​មួយ​ធ្វើ​ដំណើរ​ស្រប​ចរន្ត​ទឹក​ពីA ទៅ​B ចំណាយ​ពេល​អស់​បីម៉ោង។ បន្ទាប់​កាណូត​ក៏​ត្រឡប់​ពី​B មក A វិញ ប្រើ​រយៈពេល​អស់​ប្រាំមួយ​ម៉ោង។ សំណួរ​សួរ​ថា តើ​កាណូត​ត្រូវ​ចំណាយ​ពេល​អស់​ប៉ុន្មាន ប្រសិន​បើ​កាណូត​ធ្វើ​ដំណើរ​ពីA ទៅ​B ដោយ​មិន​ប្រើ​ម៉ាស៊ីន?

ពិសិដ្ឋ

ឆមាសមួយមកដល់ហើយ

ទើប​តែ​ចូល​រៀនមួយ​ថ្ងៃ​នោះសោះ ភ្លេចៗខ្លួន ឆមាស​មួយ​ក៏​មក​ដល់​ទៅហើយ! ឱ! ពេលវេលា អ្នក​ធ្វើ​អីក៏លឿន​ម្ល៉េះ! ថ្ងៃទី១៦ ខែ កុម្ភៈ គ្រប់វិទ្យាល័យ ទាំង​អស់​ត្រូវ​ចាប់​ផ្ដើម​ប្រលង​ឆមាស​លើក​ទីមួយ​ហើយ។ ខ្ញុំ​ក៏​ដូច​អ្នក​ទាំង​អស់​គ្នា​ដែរ ត្រៀម​ប្រលង​ដូច​គ្នា។ សូម​ជូនពរ​អ្នក​ដែល​ត្រូវ​ប្រលង​ទាំង​អស់ ទទួល​បាន​ជោគជ័យ និងបាន​ពិន្ទុ​ល្អដូចៗគ្នា​។