គំនិតខ្ញុំ · ចំណេះដឹង · Uncategorized

ឥទ្ធិពលនៃរបៀបនិយាយ

ការនិយាយគឺជារបៀបមួយក្នុងរបៀបជាច្រើនដែលមនុស្សទូទាំងសកលលោកប្រើប្រាស់សំរាប់ទាក់ទងគ្នាទៅវិញទៅមក។ ការនិយាយក៏ជាសកម្មភាពមួយផ្នែក ដែលអាចធ្វើអោយការងារមួយជោគជ័យឬបរាជ័យផងដែរ។ អ្នក “ចេះនិយាយ” តែងតែទទួលបានការស្រលាញ់ចូលចិត្តពីអ្នកនៅជុំវិញខ្លួន។ ពេលខ្លះសូម្បីតែ ស្ដីបន្ទោស ឬវាយតំលៃអវិជ្ជមានអ្នកណាម្នាក់ ក៏ម្នាក់នោះស្ម័គ្រចិត្ត និងរីករាយនឹងស្ដាប់ដោយយកចិត្តទុកដាក់ទៀតផង។ មនុស្សទូទៅមិនចូលចិត្តអ្នក “មិនចេះនិយាយ” ទេ។ នៅពេលអ្នកទាំងនោះនិយាយម្ដងៗ គ្មានអ្នកណាចូលចិត្តស្ដាប់ ឬយកចិត្តទុកដាក់ឡើយ។ វាថែមទាំងអាចធ្វើអោយ អ្នកស្ដាប់កើតអារម្មណ៍ធុញថប់ ស្អប់ខឹងទៀតផង។ គ្រាន់តែនិយាយថា “សួស្ដី ជំរាបសួរ” អ្នកស្ដាប់លែងមានអារម្មណ៍ស្ដាប់បាត់ទៅហើយ។ ការនិយាយគឺជាជំនាញមួយដែលមនុស្សគ្រប់រូបគួរតែក្ដាប់អោយជាប់។ ការប្រាស្រ័យទាក់ទង ការសិក្សា ការងារ សុទ្ធតែត្រូវការការនិយាយមួយដែលទទួលបានការចូលចិត្តពីអ្នកដទៃ មានប្រសិទ្ធភាព និងមានបែបបទត្រឹមត្រូវ។ ការនិយាយមានរបៀបរបបច្បាស់លាស់ នឹងធ្វើអោយជីវិតយើងជោគជ័យ។

រូបថត · អំពីពិសិដ្ឋ

ជីវិត​នៅ​ស្រុក​ចិន​មួយ​ឆ្នាំ

ពេលវេលាដើរពិតជាលឿនមែន។ ខ្ញុំបានមករៀននៅស្រុកចិនជិតមួយឆ្នាំហើយ។ ក្នុងរយៈពេលមួយឆ្នាំ ខ្ញុំឃើញថាជីវិត គំនិត របស់ខ្ញុំបានផ្លាស់ប្ដូរបន្តិចបន្តួច (ហេសហេ)។ ខ្ញុំបានយល់ដឹងពីវប្បធម៌មួយចំនួន របស់ជនជាតិចិន ក៏ដូចជាជនឡាវ ជនជាតិថៃ និងជនជាតិយួនផងដែរ។ ជីវិតរបស់អ្នកស្រុកនេះ ឃើញថាចំណុចខ្លះ ល្អជាងអ្នកស្រុកយើង ប៉ុន្តែក៏មានចំណុចខ្លះ ខុសពីអ្នកស្រុកយើងដែរ។ និយាយពីខ្ញុំវិញ កាលពីដំបូង ភាសាចិនមួយម៉ាត់មិនចេះផង ប៉ុន្តែឥលូវចេះនិយាយគួរសម អាចត្រឹមមួយរស់បាន ហើយប្រហែលមាន សមត្ថភាពអាចទាក់ទងស្រីៗចិនបាន (ហាហា និយាយលេងទេ) ។ រ៉ាយរ៉ាប់ប៉ុណ្ណឹងសិនចុះ ចាំពេលក្រោយសរសេរបន្ថែមទៀត។ ឥលូវសូមរីករាយទស្សនា រូបថតមួយចំនួនសិន!😀

ចំណេះដឹង · ចំណេះដឹងផ្សេងៗ · បទពិសោធន៍ខ្លីៗ · អន្តរបណ្ដាញ

ការ​ប្រើប្រាស់​អ៊ិនធឺណែត​នៅ​ក្នុង​ស្រុក​ចិន

នៅ​ក្នុង​ស្រុក​ចិន​នេះ ការ​ប្រើ​ប្រាស់​អ៊ិនធឺណែត​ដូច​ជា​តឹង​តែង​ដល់​ហើយ​។ រដ្ឋាភិបាល​ស្រុក​ចិន គ្រប់​គ្រង​លើ​ប្រព័ន្ធ​អ៊ិនធឺណែត​ទាំង​អស់​។ មាន​វែបសាយ​ជា​ច្រើន​ត្រូវ​គេ​បិទ​មិន​អោយ​ចូល ​មាន​ដូច​ជា​ Facebook; YouTube; Dailymotion; Google Plus; Mediafire; 4shared… និង​ច្រើន​ទៀត ហើយ​សូម្បី​តែ​វែបសាយ​មួយ​ចំនួន​សរសេរ​ជាភាសា​ខ្មែរ​ក៏​ត្រូវ​បាន​បិទ​ដែរ ដូច​ជា វែបសាយ​វិទ្យុអាស៊ីសេរី http://rfa.org/khmer វែបសាយលោក​គ្រូវិចិត្រ http://dahlina.com (ខ្ញុំ​កំពុង​ឆ្ងល់​ ហេតុអី​ចិន​បិទ​វែបសាយ​របស់​លោក​គ្រូវិចិត្រ​ដែរ?) ។ ចំណែក​ឯការ​ចុះ​ឈ្មោះ​ប្រើ​អ៊ិនធឺណែត​​ដូច​ជា​រញ៉ែរញ៉ៃ​ដល់​ហើយ។ ខ្ញុំ​ត្រូវ​ដាក់​ MAC Address លេខបន្ទប់​ លេខ​អន្តេវាសិកដ្ឋាន ដាក់​អីណា តែ​ដូច​គ្មាន​ប្រយោជន៍​ផង យក​តែ​ Username និង​ពាក្យ​សម្ងាត់​មក ប្រើ​បាន​គ្រប់​តែ​កុំព្យូទ័រ ចង់​យក​ទៅ​ដោត​បន្ទប់​ក៏​ប្រើ​បាន​ដូច​តែ​គ្នា​។ ហេតុអី​បាន​ជា​រដ្ឋាភិបាល​ចិន​ធ្វើ​ដូច​នេះ? ចម្លើយ​សាមញ្ញ​​ដែល​ខ្ញុំ​ដឹង គឺ ចិន​មាន​វែប​សាយ​ខ្លួន​ឯង​ទាំង តាំង​ពី Search Engine; វែបសាយ​វីដេអូ ចម្រៀង បណ្ដាញ​សង្គម ចែក​រំលែក​ឯកសារ​ និង​វែបសាយ​ផ្សេងៗ​ទៀត​​។ ប៉ុន្តែ​សំណាង​ដែរ ដែល​មាន​អ្នក​បង្កើត​កម្មវិធី​មួយ​ចំនួនដែល​ធ្វើ​អោយ​ខ្ញុំ​អាច​បើក​វែបសាយ​ផ្សេង​នៅ​ក្នុង​ស្រុក​ចិន​បាន​។ កម្មវិធី​ទាំង​នោះ​អាច​រក​បាន​នៅ http://freenuts.com/free-vpn-softwares/​ ។ បច្ចុប្បន្ន​នេះ​ ខ្ញុំ​កំពុង​ប្រើ… Continue reading ការ​ប្រើប្រាស់​អ៊ិនធឺណែត​នៅ​ក្នុង​ស្រុក​ចិន

មិត្ត​ខ្ញុំ​ · មិត្តភាព · អនុស្សាវរីយ៍ · អំពីពិសិដ្ឋ

មកដល់ស្រុកចិន

ហាហា… មិននឹកស្មានថាខ្ញុំនឹងមានថ្ងៃនេះសោះ។ ឥលូវនេះខ្ញុំកំពុងរស់នៅក្នុងទីក្រុង ណានីងខេត្តក្វាងស៊ី នៃសាធារណរដ្ឋប្រជាមានិតចិន។ ខ្ញុំ​បាន​មក​ដល់​ទីនេះ​តាំងពីថ្ងៃច័ន្ទ ទី៥ ខែ កញ្ញា ឆ្នាំ២០១១ មកម្ល៉េះ។ ហេតុអ្វីខ្ញុំមកដល់ទីនេះ? ហេហេ… គឺ​ខ្ញុំ​បានប្រលងជាប់អាហារូបករណ៍ របស់​រដ្ឋាភិបាល​តំបន់​ស្វយ័ត​ខេត្តក្វាងស៊ី។ នៅឆ្នាំដំបូងនេះ ខ្ញុំត្រូវរៀនភាសាចិនជាមុនសិន។ នៅឆ្នាំបន្ទាប់ទើបខ្ញុំ ចូលរៀនមុខវិជ្ជារបស់ខ្ញុំ។ គ្រប់ការបង្រៀន ឯកសារ គឺ​ជា​ភាសា​ចិន​ទាំងអស់។ ស្ដាប់ទៅវាដូចជាពិបាកណាស់ តែចាំមើលឆ្នាំក្រោយសិនទៅមើស៎😀 ។ នៅក្នុងអន្តេវាសិកដ្ឋាន ខ្ញុំស្នាក់នៅជាមួយជនជាតិខ្មែរម្នាក់ដែលប្រលងជាប់ជាមួយគ្នា ជនជាតិកាណាដាម្នាក់ និងជនជាតិថៃម្នាក់។ ជនជាតិថៃម្នាក់នោះ មិនសូវចេះភាសាអង់គ្លេសទេ តែគាត់ស្ទាត់ខាងភាសាចិន ព្រោះថា គាត់រៀនភាសាហ្នឹង តាំងពីគាត់នៅតូចៗមកម្ល៉េះ។ ចំណែកឯជនជាតិកាណាដាវិញ ទើបតែមករៀនភាសាចិនឆ្នាំទីមួយដូចខ្ញុំដែរ។ គិតទៅល្អ អាចនិយាយទាំងភាសាចិន និងភាសាអង់គ្លេស🙂 ។ ជាចុងក្រោយនេះ ខ្ញុំសូមផ្ដាំផ្ញើដល់ឪពុកម្ដាយខ្ញុំ បងប្អូន មិត្តភក្តិ ទាំងអស់ថា ខ្ញុំនៅទីនេះសុខសប្បាយទេ ព្រោះសីតុណ្ហភាពនៅស្មើយើងនៅកម្ពុជាទេ រហូតដល់ខែត្រជាក់ទើបត្រជាក់ខ្លាំង។ ហើយខ្ញុំសូមអរគុណជាខ្លាំង ដល់មិត្តភក្តិខ្ញុំ ដែលបានជូនខ្ញុំដល់ព្រលានយន្តហោះអន្តរជាតិភ្នំពេញ បានជូនពរ និងលើកទឹកចិត្តខ្ញុំ។ ខ្ញុំគ្មានអ្វីតបស្នងសងគុណអ្នកទាំងអស់គ្នាទេ… Continue reading មកដល់ស្រុកចិន

គណិតវិទ្យា · ចំណេះដឹងផ្សេងៗ

ធរណីមាត្រ​សម័យ​ក្រិច​បុរាណ

គេ​មាន​អង្កត់​ពីរ​ដែល​មាន​ប្រវែង និង ។ ដោយ​ប្រើ​បន្ទាត់​ដែល​គ្មាន​គំនូស​ក្រិត និង​​ដែក​ឈាន ចូរ​គូស​អង្កត់​​មួយ​ផ្សេង​ទៀត​ដែល​មាន​ប្រវែង​៖

ចំណេះដឹង · ចំណេះដឹងផ្សេងៗ · បទពិសោធន៍ខ្លីៗ · អន្តរបណ្ដាញ

សរសេរប្រកាស WordPress នៅ​ក្នុង​ Live Writer

យើង​ឃើញ​ថា នៅ​ក្នុង​ WordPress ប្រសិន​បើ​យើង​ចង់​សរសេរ​ប្រកាស​ដាក់​ក្នុង​​ប្លក​របស់​យើង យើង​ត្រូវ​ចូល​ឡុក​អ៊ីន​ចូល​ នៅ​លើ​ Browser។ ប្រសិន​បើ​អ្នក​ដែល​មាន​អ៊ីនធឺណែត​យឺ​ត​វិញ​ត្រូវ​រង់​ចាំ​ទម្រាំតែ​ Tools ទាំង​អស់​ឡូត​ចេញ​មក​។ តែ​ប្រសិន​បើ​យើង​​ចង់​សរសេរ​ប្រកាស​អោយ​បាន​លឿន​ដោយ​មិន​បាច់​រង់​ចាំទេ យើង​អាច​ប្រើ​ប្រាស់​កម្មវិធី Microsoft Live Writer ជំនួស​វិញ​។ វែបសាយ http://explore.live.com/windows-live-writer?os=other ពេល​ដែល​ទាញ​យក​ចប់ រួច​ហើយ​ធ្វើ​តាម​ការ​ណែ​នាំ​ដោយ​ភ្ជាប់​ជាមួយ WordPress របស់​លោក​អ្នក​ជាការ​ស្រេច៕