រាល់ដងគេធ្លាប់តែឃើញការគូរគំនូរដោយប្រើខ្មៅដៃ ជក់ ប៊ិចជាដើម។ ប៉ុន្តែឥលូវនេះ នារីជនជាតិអ៊ីស្រាអែលម្នាក់ បានបញ្ចេញស្នាដៃរបស់ខ្លួនយ៉ាងប៉ិនប្រសប់ ដោយយកខ្សាច់មកគ្រវាសចេញជារូបគំនូរ ទេសភាពផ្សេងៗយ៉ាងទាក់ទាញ។ នាងមានឈ្មោះថា អីលេណា យ៉ាហាវ (Ilena Yahav) ។ក្នុងការសម្ដែង នាងបានប្រើដៃរបស់នាងគ្រវាសខ្សាច់ចុះឡើងៗ ចេញជារូបភាពបន្តគ្នា បង្កើតជាសាច់រឿងគួរអោយទាក់ទាញជាទីបំផុត។
ទ្វីបអាស៊ី
ទ្វីបអឺរ៉ុប
ក្រុមតន្ត្រីបងប្អូន
ក្រុមតន្ត្រីបងប្អូន ឬ Sibling Band គឺជាក្រុមតន្ត្រីដែលបានចាប់កំណើតនៅថ្ងៃទី ១៤ ខែ កញ្ញា ឆ្នាំ ២០០៧ មានសមាជិកទាំងអស់ ៦នាក់។ សមាជិកទាំងនោះរួមមាន៖
សមាជិកទាំងប្រាំមួយនាក់នេះ ត្រូវបានហ្វឹកហាត់ដោយលោកគ្រូ កែវ ផេន។ កាលពីមុនពួកគេជាកុមារ ដែលរស់នៅក្នុងគ្រួសារក្រីក្រលំបាក។ ដោយសារស្រឡាញ់តន្ត្រី ធ្វើឲ្យពួកគេ ចង់ទៅរៀនភ្លេង។ ឪពុកម្ដាយ របស់ពួកគេ បានបដិសេធនូវសំណើរបស់ពួកគេ។ ប៉ុន្តែ ក្រោយពីបានឃើញ នូវទេពកោសល្យរបស់ពួកគេ ជាមួយឧបករណ៍ភ្លេង ពួកគាត់ក៏បានអនុញ្ញាត ឲ្យពួកគេទៅរៀន។ ក្រោយពីរៀនរួចហើយ ធ្វើឲ្យទេពកោសល្យរបស់ពួកគេ កើនឡើងមួយកំរិតទៀត។ ឥលូវនេះ ពួកគេអាចលេង ឧបករណ៍តន្ត្រីជាមួយគ្នា បានយ៉ាងពីរោះ។ ក្រោយពីបានទទួល ការគាំទ្រពីប្រិយមិត្តហើយ ពួកគេបានជួបនឹងបញ្ហាមួយ គឺខ្វះខាតថវិកា ក្នុងការសិក្សាបន្ត។ ប៉ុន្តែ ដោយមានជំនួយបន្ថែមពី FCOSO ពួកគេ ក៏អាចសិក្សាភ្លេងបន្តទៀត៕
តារាចម្រៀងអាមេរិកដ៏ល្បីល្បាញម្នាក់ ដែលត្រូវបានគេស្គាល់គ្រប់ៗគ្នា តាមរយៈបទចម្រៀងដំបូងរបស់គាត់ ដែលមានចំណងជើងថា Beautiful Girl នឹងមកសម្ដែងនៅប្រទេសកម្ពុជា នាឆ្នាំ២០០៩ខាងមុខនេះហើយ។ គាត់មានឈ្មោះថា Sean Kingston។ គាត់នឹងមកបង្ហាញខ្លួន និងសម្ដែងជាលើកដំបូងនៅប្រទេសកម្ពុជា នាថ្ងៃសុក្រ ទី០៦ ខែកុម្ភៈ ឆ្នាំ ២០០៩ នៅក្នុងពហុកីឡាដ្ឋានជាតិអូឡាំពិជ នាទីក្រុង ភ្នំពេញ។
កម្មវិធីនេះ ត្រូវបានរៀបចំឡើងដោយបណ្ដាញទូរទស្សន៍កម្ពុជា ស៊ី ធី អិន ដែលជាស្ថានីយទូរទស្សន៍នាំមុខគេ នៅកម្ពុជា។ តារាចម្រៀងSean Kingston នឹងពាំនាំមកនូវបទចម្រៀងល្បីៗ របស់គាត់យកមកសម្ដែងនាពេលនោះ។ ចំពោះព័ត៌មាន អំពីតម្លៃសំបុត្រ ខាងអ្នករៀបចំកម្មវិធី នឹងប្រកាសក្នុងរយៈពេលពីរ បីសប្តាហ៍ខាងមុខនេះ។ មានព័ត៌មានមួយបន្ថែមទៀតថា កម្មវិធីនឹងពុំមានចាក់ផ្សាយបន្តផ្ទាល់តាមទូរទស្សន៍ទេ។
នេះជាកិត្តិយសមែន ដែលតារាចម្រៀងដ៏ល្បីនៅលើពិភពលោក មកសម្ដែងក្នុងប្រទេសកម្ពុជា។ ខ្ញុំក៏ចង់ទស្សនានឹងគេដែរ តែដល់ឮថា ពុំមានចាក់ផ្សាយតាមទូរទស្សន៍ ធ្វើឲ្យខ្ញុំខកចិត្ត មែនទែន។ តើអ្នកទាំងអស់គ្នា គិតដូចខ្ញុំទេ?
វាចាថ្មីៗ